Hødd tapte sine tredje kamp på rad i 1.divisjon fotball i går. Hødd spelte borte mot Alta, og tapte 3 - 1.
 |
| André Nevstad (Foto: Arne Flatin) |
Hødd-kaptein André Nevstad meiner kampen var jamn både i spel og sjansar, men at det skar seg då 3 - 1 skåringa kom.
Målet kom i andre omgang av kampen som blei spelt på Alta grasbane for vel 1000 tilskodarar. Nils Ottar Sandø skåra Hødd sitt einaste mål etter 28 minutt av kampen.
Før denne kampen hadde Alta berre tatt eitt poeng på heimekampane sine denne sesongen. Likevel blei dei for tøffe for Hødd.
No ligg dei to laga på lik poengsum på tabellen. Begge har 10 poeng, men Hødd ligg over på grunn av målforskjellen. Før kampen låg Hødd to plassar over Alta.
Både Kenneth Giske, Geir Televik, Tommy Sylte og Georg Aursnes er ute med skade, og Nevstad meiner det er meir å hente hos Høddlaget.
Tips andre om denne saken
Utskriftsvennlig versjon