Politiet ønskjer at folk som skal til Ålesund sentrum i samband med stadionopninga laurdag brukar offentleg transport, beina eller sykkel.
Alle 11.000 billettane til kampen mellom AaFK og Odd er selde, og det er venta opp mot 3000 bilar til området. Politiførstebetjent Sverre Pedersen ønskjer at folk parkerer i sentrum, ved Høgskulen eller på Moa.
Parkeringsplassar
Ålesund sentrumsforening skal ha ei tilstelling på Kiperviktorget før kampen, og Pedersen håper at folk går derifrå til stadion. Det er 1200 parkeringsplassar i sentrum, og parkeringshuset i Kremmergaarden vil halde ope til klokka 24. Inne ved Høgskolen i Ålesund er det omlag 400 parkeringsplassar. Laurdag har NAF Viking ekstra beredskap for borttauing.
Båt
Det vil gå båt i skytteltrafikk frå Langevåg. Den båten legg til ved Sunnmørshallen.
Det er også sett opp hurtigbåt frå Nordøyane som legg til i sentrum.