Folk har vore desperate for å sikre seg dei siste 800 billettane til opninga av Color Line stadion kommande laurdag, seier dagleg leiar, Henrik Hoff.
Billettsalet til opninga laurdag 16. april er no avslutta. Klubben har hatt store problem med salet av billettar på internett.
3000 pr. sekund
Heimesida til Aalesund har hatt ein mildt sagt stor pågang, seier dagleg leiar i Aalesund, Henrik Hoff. I løpet av dei to siste dagane har AaFK hatt godt over sju millionar treff på heimesida si. I periodar har trafikken vore oppe i 3000 treff per sekund.
Klikka og klikka
Forklaringa på det kollossale talet er dei sikkert fleire tusen desperate billettkjøparane som har klikka, klikka og klikka i timevis for å kome seg inn på billettbestillinga. — Dei fleste utan å lukkast.