Styreleiar i Hødd Nordvest, Tore Roppen, seier hovudgrunnen var at Molde ikkje klarte å tilby spelarar i retur for å kompensere for tapet av Nevstad.
Dermed må Molde framleis leite etter forsterkningar.
Låg profil
Nevstad sjølv har halde ein låg profil medan forhandlingane har pågått, men no vedgår han at det hadde vore kjekt å få prøvt seg i Tippeligaen.
Men når klubbane ikkje blei samde, aksepterer han avgjerda.
Når ein leigeavtale med Molde ville vere interessant for Nevstad, viser Nevstad til at han har blitt 32 år, og ikkje kan rekne med fleire sjansar som dette i framtida.
Til tider tøft
- Etter 550 A-kampar og 15 sesongar i Hødd kunne det vere artig å måle krefter med dei beste spelarane i landet, skriv Nevstad i ei pressemelding.
Sidan hausten 1995 har Nevstad også hatt sivil jobb på Høddvoll, i tillegg til å vere spelar.
- Dette har ført til lange dagar, og eit avbrekk på tre månader kunne gitt eit pusterom, nye krefter og impulsar, seier Nevstad.
Han trur og og eit opphald i MFK kunne gitt erfaringar som kunne kome Hødd til nytte på sikt.
Lojal
Nevstad stiller og sprøsmålet om han har hatt ein for sterk posisjon i klubben.
- Hødd kunne hatt godt av tre månader med "Andrè-fri", slik at andre personar kunne stått fram og fått tillitt og større ansvar, seier Nevstad.
Men Nevstad har vore, og er lojal, og forstår at leiinga i Hødd har vurdert det slik at avgjerda er til det beste for klubben.
Sjølv om vedgår at han er skuffa, lovar han å framleis gi alt for Hødd.
- Det blir aldri ein nedtur å dra på seg Hødd-trøya, seier Nevstad.
Haustsesongen
Han trur haustsesongen blir spanande for både Hødd, Molde FK og Aalesund FK.
Tipset frå Nevstad er at både MFK og AaFK spelar i Tippeligaen i 2005, og at Hødd bergar plassen i 1.divisjon med god margin.
Tips andre om denne saken
Utskriftsvennlig versjon