skilleRadio på nettskilleLes om oss!skilleTopp promo Sportskille_slutt
Toppbanner Møre og Romsdal sport 3_1
Her er du: NRK.no > Nyheter > Distrikt > NRK Møre og Romsdal > Sport NRK Møre og Romsdal Sist oppdatert 14:08
VÊR
TRAFIKK
Siste nytt frå distriktskontora i NRK NRK Finnmark NRK Troms NRK Nordland NRK Trøndelag NRK Møre og Romsdal NRK Hedmark og Oppland NRK Sogn og Fjordane NRK Hordaland NRK Rogaland NRK Sørlandet NRK Østlandssendingen NRK Østfold NRK Buskerud, Telemark og Vestfold Siste nytt frå distriktskontora i NRK Siste nytt frå distriktskontora i NRK
 
SØK LOKALT PÅ:
 
 

Poengdeling på Høddvoll

Eirik Hoseth
Eirik Hoseth
Hødd og AaFK delte poenga på Høddvoll 16.mai. 5000 tilskodarar såg ein kamp der ålesundslaget var nærast sigeren. Andre Nevstad og Eirik Hoseth laga måla i ein intens fotballkamp på ei sleip bane.

Av Arne Flatin. Publisert 16.05.2004 21:25.
Høddvoll, 16.mai.
Hødd- Aalesunds FK 1-1 (1-0)
1-0: Andre Nevstad (20.min), 1-1: Eirik Hoseth (60.min).
4975 tilskodarar.
Hødd: Moldskred, Aursnes (Værnes) (Holm Sundgot), Eid, Halkjelsvik, Hartmann, Nevstad, Leira, Ørsal, Sylte, Haugland, Myklebust.
AaFK:Deinoff, Ekeberg (Skumawitz), Steen, Melland, Aam, Fredriksen, dos Santos (Hoseth), Holm, Austnes (Johansen), Aarøy, Moldskred.
Gult kort:Bjørn Erik Melland (AaFK), Mads Andre Værnes (Hødd).
Raudt kort:Stig Haugland (to gule).

Trass i regnver heile dagen og under kampen møtte det fram knapt 5000 tilskodarar på Høddvoll. Det meste som har vore på stadion sidan året i Tippeligaen i 1995. Hadde det vore betre ver hadde nok rundt 1000 til truleg tatt turen til Høddvoll. Publikum var tidleg ute, og dei oransje frå Ålesund dominerte på tribunane.

Nevstad-mål nr.50

Men det var Hødd og Andre Nevstad som scora først. Hødd-kapteinen skrudde ballen ut i venstre hjørne frå rundt 16 meter. Ei flott scoring, og Nevstad sitt mål nummer 50 i Hødd-trøya totalt sett. På dette tidspunktet var kampen jamnspelt, og begge lag hadde bra sjansar.

Haugland utvist

Hødd-angripar Stig Haugland fekk to gule kort tidleg i kampen og måtte dermed ta ein tidleg dusj. Haugland fekk begge korta for taklingar der han var for seint ute. Det andre kortet verka noko strengt idømt av dommar Kim Rune Borgersen. Likevel var det unødvendig av Hødd-spissen å sette inn desse to taklingane i situasjonar som var totalt ufarlege for Hødd. Allereie etter 25 minutt av kampen var Hødd redusert til 10 mann.

Dermed vart situasjonen langt vanskelegare for blåtrøyene frå Ulsteinvik, som likevel greidde å halde 1-0 til pause.
AaFK tok ut Paulo dos Santos og sette inn Eirik Hoseth før 2.omgangen starta. Det gav resultat. Etter ein times spel kom ei velfortent utlikning etter at AaFK hadde pressa hardt på. Hoseth sette ballen i mål frå kort hald etter eit overlegg frå venstre som hamna på bakerste stolpe.

AaFK-overtak

Dei fleste Hødd-tilhengarane frykta nok at AaFK skulle avgjere kampen på dette tidspunktet, men trass i spelemessig overtak og fleire gode sjansar vart det ikkje fleire mål. Det siste kvarteret kom Hødd meir med i kampen og hadde eit par gode kontringar som kunne ha gitt utteljing. Enkelte meinte også at høddarane vart snytt for eit straffespark, men dommaren dømte frispark omlag på 16-meterstreken.

Uheldig Værnes

Hødd-spelaren Mads Andre Værnes spelte sin første kamp for året då han kom innpå for Georg Aursnes i 1.omgang. Værnes har vore skadd i heile vinter med "jumpers knee", og har jobba seg tilbake til førstelaget. Mot AaFK fekk han først gult kort før han kolliderte så kraftig med medspelar Glenn Hartmann at han måtte forlate bana.

God Myklebust

Ein annan spelar på Hødd som har vore skadd mykje er Magnus Myklebust. Stortalentet var god mot AaFK, og viste fleire gonger at han har fart og teknikk. Likevel vart han veldig åleine på topp for Hødd etter at Haugland vart utvist. Spørsmålet er om han slo opp att strekkskaden, og er ute av spel til bortekampen mot Haugesund 20.mai.

Taper terreng

AaFK var ikkje fornøgd med eitt poeng på Høddvoll, men greier altså ikkje å avgjere ein kamp der dei er best spelemessig. Både Start, Kongsvinger og Sandefjord vann sine kampar. Dermed tapte AaFK litt terreng i toppstriden. Likevel er det berre tre poeng opp til opprykksplass, og veldig mange kampar igjen. Tromsdalen får nok unngjelde på Kråmyra komande torsdag ! Hødd derimot er nok fornøgd med eitt poeng slik kampen utvikla seg. Berre enormt sterk lagmoral og ein svært god keeper i Lars Ivar Moldskred gjorde at Hødd tok poeng mot AaFK. Hødd sakna også Geir Televik som framleis er ute av spel.

TABELLEN


1. Start.........18 poeng
2. Kongsvinger...16 poeng
----------------------------
3. Sandefjord....16 poeng
----------------------------
4. AaFK..........13 poeng
5. Moss..........11 poeng
6. Bryne.........10 poeng
7. Strømsgodset.. 9 poeng
8. Mandalskam.... 9 poeng
9. Skeid......... 7 poeng
10. Hønefoss...... 6 poeng
11. Hødd.......... 5 poeng
12. Vard.......... 5 poeng
----------------------------
13. Haugesund..... 4 poeng
14. Pors.......... 4 poeng
15. Raufoss....... 1 poeng
16. Tromsdalen.... 1 poeng

Siste saker:
Flere saker: ALT OM AAFK
Siste saker:
Flere saker: ALT OM HØDD

 
10 SISTE FRÅ NRK MØRE OG ROMSDAL
5 SISTE SPORT FRÅ NRK MØRE OG ROMSDAL
Copyright NRK © 2009  -  Telefon: 815 65 900  -  E-post: info@nrk.no