Straffesparket sette Dag Roar Ørsal i mål, og Hødd leia ganske ufortent 1-0 ved pause. Sandefjord brente nemleg mange store sjansar og Hødd-keeper Lars Ivar Moldskred var både høgt og lågt.
Tre baklengs
|
Geir Televik. Ein av åtte som var ute. Foto:Arne Flatin |
Hødd måtte gje etter for presset til slutt og Sandefjord scora tre mål dei siste 25 minutta av kampen. Hødd hadde tre juniorspelarar på benken. Ingen av desse er med i A-stallen. Heile åtte spelarar var ute på grunn av skade eller andre grunnar. Mest sakna nok Hødd Geir Televik. I tillegg er hurtigtoga Magnus Myklebust og Lars Roar Holstad skadd. Georg Aursnes var ikkje med fordi familien ventar sitt andre barn. Andre spelarar som var uaktuelle: Andre Skotheim, Mads Andre Værnes, Glenn Hartmann og Ronny Jørgensen.
Hødd håpar at fleire av desse åtte er klare til sesongpremieren på Høddvoll komande søndag mot Bryne. Jæren-laget tapte 1-0 heime for Mandalskameratene i går.
1. divisjon fotball menn måndag, 1. runde:
Sandefjord Hødd 3-1 (0-1)
Storstadion
2341 tilskodarar
Mål: 0-1 Dag Roar Ørsal (20), 1-1 Geir Ludvig Fevang (64), 2-1 Magne Sturød (74), 3-1 Fevang (83).
Dommar: Kim Rune Borgersen, Drafn.
Gult kort: Sindre Eid, Hødd.