NM på ski i Molde kan vere ein inspirasjon for næringslivet som har problem med lønsemda.
Det seier leiar i Kunnskapsparken i Molde, Frank Lien. Saman med M.O.I og fylkeskommunen brukar dei NM til ein konferanse der kjende idrettsfolk skal motivere næringslivet til å lære av idretten. Oddvar Brå, Åge Hareide og Knut Knudsen er foredragshaldarar på konferansen under NM på ski.
 |
| Hilmar Windstad i MOI, ordførar Rolf Myhre og Frank Lien i Molde Kunnskapspark vil ha næringslivet til å møte idrettskjendisar. |
Prestasjonskultur
Motivasjon og vilje til prestasjonar er verdiar som arrangørane av NM på ski meiner idretten kan overføre til næringslivet. Til konferansen i Molde har dei henta idrettskjendisar som har hatt personleg suksess både nasjonalt og internasjonalt.
Oddvar Brå var ein av verdas beste skiløparar på 70- og 80-talet og har sett som tittel på sitt foredrag: "Stavbrekk, men slett ingen Brå-stopp!".
Noregs beste syklist gjennom tidene, OL-meister Knut Knudsen, har sett som tema:"Vil jeg så kan jeg, vil vi så kan vi".
Åge Hareide skal snakke om lagspel og korleis få ulike menneske til å jobbe saman.
Tips andre om denne saken
Utskriftsvennlig versjon