skilleRadio på nettskilleLes om oss!skilleTopp promo Sportskille_slutt
Toppbanner Møre og Romsdal program 3_1
Her er du: NRK.no > Nyheter > Distrikt > NRK Møre og Romsdal > Program NRK Møre og Romsdal Sist oppdatert 15:47
NRK Møre og Romsdal
6025 ÅLESUND
Tlf 70 11 52 00
Distriktsredaktør:
Vevredaktør:

 

Pelskledd vesen frå Rondane

Denne hårete skapningen fann ein av lyttarane våre på ein påsketur i Rondane. Kva slags vesen er dette? Spørsmålet går til Naturtelefonens Alv Ottar Folkestad!

Publisert 05.05.2006 13:14.

Av Odd Sørås



Foto: Bjørn Helge Lervåg


Uventa møte

Bjørn Helge Lervåg har sendt oss dette biletet av ein pelskledd skapning som kryp på snøen. Han skriv:

På en påsketur i Rondane bestemte jeg og min sønn Henrik at vi skulle klatre til toppen av et fjell. På vei oppover befant vi oss plutselig ansikt til hmm.. ansikt? med et lite hårete vesen.

Vi tok frem kameraet og tok bilder av dette insektet. Har vist det til en del personer, men ingen har peiling på hva vi har tatt bilde av. Er dette en ukjent livsform fra en annen planet, eller er det noe helt vanlig og alminnelig?


Åme

Vår faste naturkjennar Alv Ottar Folkestad var ikkje i tvil - dette er ei spinnarlarve. Det pelskledde krypet skal altså etterkvart bli ein spinnar-sommarfugl. Det finst mange artar spinnarar, og Folkestad vil ikkje artsbestemme denne åma utan vidare, men ein spinnar er det.

Åmene kjem fram omkring påsketider, og då kan ein sjå at dei vandrar på snøen og fangar solvarme. Der det er berr mark, ser ein dei ikkje så lett.

Sommarfuglen

Vi hadde lyst til å skaffe eit bilete av ein spinnar-sommarfugl for å vise kva denne larva kan bli til, og kom då i kontakt med ein av våre fremste sommarfugleekspertar: Leif Aarvik ved Naturhistorisk museum, Universitetet i Oslo. Han er ein av dei ansvarlege for internettsida "Norges sommerfugler", og gav oss straks lov til å bruke fotografiet under.

Aarvik seier han er nesten 100 prosent sikker på at åma frå Rondane er ein rustvingespinnar (phragmatobia fuliginosa). Denne spinnaren er vanleg over heile landet. Han er helst på vengene om natta, berre unntaksvis i solskin midt på dagen.

Rustvingespinnar - foto: Leif Aarvik




Og her finn du nettsida over alle nettsider for norske sommarfuglinteresserte: NORGES SOMMERFUGLER



LENKER
Siste saker:
Flere saker: ALT OM NATURTELEFONEN

 
10 SISTE NYHEITER FRÅ NRK MØRE OG ROMSDAL
5 SISTE SPORT FRÅ NRK MØRE OG ROMSDAL
Copyright NRK © 2009  -  Telefon: 815 65 900  -  E-post: info@nrk.no