Takk til alle som har sendt oss vårfoto! Denne gongen meiner juryen at dei tre vinnarbileta er like gode, derfor er alle tre førstepremievinnarar.
Juryen har lagt vekt på gode komposisjonar, gode situasjonar og gode motiv.
Og vinnarane er:
Atle Grebstad Eliassen, Ålesund: "Krokus med pågangsmot".
Juryen seier: "Kontrastfylt bilete som fangar skiftet mellom vinter og vår på ein enkel måte."
Stein Eric Solevåg, Eidsnes: "Hegre med frosk".
Juryen seier: "Dramatisk situasjon i det naturen vaknar til liv att. Sylskarpt augneblinksbilete."
Steinar Vikås, Innfjorden: "De første løvetannfrø".
Juryen: "Det nye og det gamle møtest - på fleire plan. Fotografen har eit godt blikk for situasjonar, og biletet er godt komponert."
Dei tre vinnarbileta blir også viste i nyheitssendinga vår fredag 26. mai klokka 1840.
Alle bileta frå konkurransen finn du her:
Vår i nordvest 1
Vår i nordvest 2
Vår i nordvest 3
Vår i nordvest 4
Premiering
Kvart av dei tre beste bileta blir påskjønna med eit NRK-krus. Elles vankar det sjølvsagt både godord og ære til dei flinkaste fotografane.
Om ikkje lenge presenterer vi ein ny fotokonkurranse på nettsida til NRK Møre og Romsdal.