Radioprogrammet "Mat med Mindor" inneheldt denne gongen ei enkel, men god oppskrift på sildekarbonadar + mange tankar og gode råd om både sild og tillaging av spekekjøt.
Mat med Mindor
radiokokk: Mindor Klauset
programleiar: Odd Sørås
sendetid: torsdag 1633-1700
NRK Møre og Romsdal i P1
Tips og spørsmål: telefon 811 50 520 (telefonsvarar)
postadresse: MMM, NRK, 6025 ÅLESUND
e-post:
Skriv til Mat med Mindor
Mathistorikar Per Sæther set også denne gongen våre mat-tema inn i ein historisk samanheng. Bruk lydlenkja ovanfor og høyr kva han og Mindor Klauset har å seie om sild og tillaging av spekekjøt.
Petter Fjørtoft i Ålesund ringde og gav oss ei enkel, men god oppskrift på sildekarbonadar - betre enn biff, seier han sjølv.
Petters sildekarbonadar
Ta ei sild, kapp av hovudet og sporden og ta ut innmaten. Er det rogn i silda, kan du gjerne behalde den. Køyr silda gjennom kverna i miksaren i lag med ein potet og ein liten løk. Bland salt og pepar i røra etter din eigen smak. Klask flate kaker av røra i panna og la dei bli godt gjennomsteikte. Server dei med ein god kålstuing til, og har du nypoteter, blir det ekstra delikat!
Tips andre om denne saken
Utskriftsvennlig versjon