Brødgraut som julaftansmat og tran som erstatning for lever i kamsrøra - programmet "Mat med Mindor" byr på overraskingar!
Også i radioprogrammet vårt den 25. februar var det mange som ringde til oss både om brødgraut og kams (leverball). Du kan høyre programmet ved å klikke på lydlenkja ovanfor.
Gjesten vår denne gongen var Heidi Brunstad, som underviser i mat, kultur og konservering på Høgskulen i Volda. Blant dei som ringde til oss var Haldis Bakke frå Sykkylven, og ho fortalde om korleis ein lagar
Levergraut
Bruk lever av torsk eller sei. Reins levra gjennom eit dørslag.
Kok opp 1 kopp lever i lag med 1 kopp kefirmjølk. Tilset hakka løk, pepar og salt.
Kok dette i lag med litt grynmjøl. Smak til med eddik og sukker, og server det i lag med fisk. Dette blir noko tilsvarande som surkål til kjøt, seier Haldis Bakke.
Vi vil gjerne ha spørsmål, tips og kommentarar til "Mat med Mindor" frå deg som høyrer på programmet og les desse nettsidene. Ring til telefonsvararen vår:
811 50 520
eller send oss nokre ord med e-post:
Skriv til "Mat med Mindor"