Spelt i brød og spelt i ball

LYD OG VIDEO

Spelt i brød og spelt i ball

Hjelp | Mer lyd og video

ALT OM:

Mat

Odd Sørås og Mindor Klauset

Her kan du høyre matprogrammet frå 5/11. "Mat med Mindor" med programleiar Odd Sørås og radiokokk Mindor Klauset er på lufta i NRK Møre og Romsdal kvar onsdag i halvtimen mellom 11.30 og 12.00.

Har du tips eller oppskrifter til radioprogrammet eller nettsidene? Send oss nokre ord! Skriv til "Mat med Mindor"

Spelt "gir sterk kropp og friskt blod"

Spelt er eit eldgammalt kornslag som er i slekt med vår kveite, men meir næringsrik og - som mange hevdar - mykje sunnare og meir velsmakande. Den tyske nonna og forfattaren Hildegard von Bingen skreiv på 1100-talet:

Spelt. Foto: Volda El. Mylne

"Spelt er det beste kornet. Det er mildare og meir nærande enn andre korn. Den som et det, får sterk kropp og friskt blod og blir lett og glad til sinns."




Enno er spelt sjeldan å finne i daglegvarebutikken, men helsekostbutikkane har spelt. Det er noko dyrare og meir komplisert å bruke spelt i bakinga enn anna korn, men det ekstra bryderiet er det mange som tek med glede.

Dei finst fleire nettsider med gode oppskrifter på speltbrød. Prøv f. eks. denne:

Speltoppskrifter på klikk.no

I Møre og Romsdal produserer Volda Elektriske Mylne spelt. Nettstaden til mylna har ein del opplysningar om spelt:

Volda Elektriske Mylne

Elias Moe i VEM fortel i radioprogrammet du kan høyre ovanfor at ein kunde var innom med ei smaksprøve på potetball med spelt. Det smakte nydeleg, fortel Elias Moe. Her er oppskrifta:

Mylneball

(Oppskrift frå Volda)
5 kg store poteter, helst ikkje nypoteter. Skrell og rasp dei for hand. Dette blir ca. 4 - 4,5 kg ferdigraspa poteter (ca. 3/4 grovraspa og 1/4 finraspa).

Til potetene tilset du
3 koppar steinmale byggmjøl
1 kopp sammalen spelt
1/2 kopp steinmale kveitemjøl
4,5 toppa ts. salt
Hald igjen på mjølet så ballen ikkje blir for fast.
Du kan evt. redusere litt på byggmjølet og ha i meir spelt.

Dotten: nyretalg av hjort, evt. salt sideflesk med litt kjøt - gjerne røykt, mjuk spekemår.

Tilbehør: bacon, kålrabi (store bitar), gulrot, pølser, svinemår, dampamår (hjort), saltkjøt (kje)

Det er viktig å prøve seg fram. Denne oppskrifta er berekna på mjøl frå Mylnå. Brukar du anna mjøl, trengst det meir mjøl fordi mylnemjølet trekkjer meir vatn.

Havreloff

Elias Moe har også denne oppskrifta der 40 % av finkveiten er skifta ut med sammale havremjøl:

400 g sammale havremjøl
600 g kveitemjøl
ca. 7 dl mjølk/vatn
2 ts salt
2 ts sukker
50 g gjær
1 ss smelta smør

Steik loffen som eit vanleg brød.
Havreloff inneheld like mykje fiber som eit grovbrød.