Ove Lervik

Ove Lervik er journalist. Han har arbeidt i NRK sidan 1972, først som stipendiat og dernest som programmedarbeidar i Dagsnytt i Oslo og NRK Møre og Romsdal i Ålesund.

I 1978 opna kringkastinga lokalkontor i Molde. Ove Lervik flytta då dit og styrde kontoret som einaste tilsett i mange år framover.

Frå 1991 har Ove Lervik hatt fjernsyn som spesielt arbeidsfelt – først med stasjon i Ålesund, dernest i Molde. Som tv-reporter jobbar Lervik med alle slags saker, også sport – der han ikkje minst er kjend for sine faste fotballreportasjar frå Molde stadion gjennom mange år.

Ove Lervik er cand. mag. med fagkrinsen statsvitskap, historie og engelsk frå Universitetet i Oslo.

Ove Lervik er frå Aukra.