Fem jenter i 10.klasse ved Bud skule i Fræna prøver seg som mødre. Skrikarungen er ein datababy.
|
Mariann Vågen tar bleieskiftet på datababyen.
Foto: Gunnar Sandvik |
Av
Gunnar Sandvik
Å leve saman
"Å leve saman" heiter prosjektet som 10.klasse ved Bud skule i Fræna har denne våren.
Fem av jentene i klassen bur saman i hytte ved Bud camping frå mandag til torsdag, og med seg har dei ein datastyrt baby.
|
De fem jentene har ei travel veke som "unge mødre". Frå venstre Marita Berget, Andrea Viken og Mariann Vågen med babyen, Silje Hokstad og Cecilie Stranden.
Foto: Gunnar Sandvik |
Krevjande skrikarunge
Natt og dag må dei passe den lille skrikarungen som er vel så krevjande som ein ekte liten baby. Han ser ut som ein baby, høyrest som ein og krev det same som ein levande unge. Datababyen må ha stell, trøyst, skift, omsorg og mat for å bli roleg og tilfredsstilt.
Deler byrdene
Dei unge "mødrene" har til alt hell kvarandre å dele byrdene med. Alt etter første natt med fire timaer skriking, har fleire av dei fått nye tankar om det å bli mor i ung alder.
|
Cecilie Stranden og dei andre unge jentene vil gjerne bli mødre men ikkje medan dei er unge.
Foto: Gunnar Sandvik |
Filmar babyveka
Problemstillinga i jentene sitt prosjekt er korleis det er få barn i tidleg alder, samtidig som ein går på skulen.
Korleis påverkar det kvardagen til jentene når dei heile tida har ein krevjande baby å ta seg av? Jentene oppleve, skriv ned, filmar og skal lage ei prosjektoppgåve som dei etterpå vil dele med medelevane.