KulTur på gamle stiar i Modalen

LYD OG VIDEO

Bli med på KulTur på gamle stiar i Modalen med Harald Nygard og reporter Oddbjørn Rosnes.

Hjelp | Mer lyd og video

ALT OM:

KulTur

Sjå bileta frå den gamle ferdavegen.

Av Oddbjørn Rosnes og Ingvil Teige Stiegler

Og snart hadde einebusker og bjørkekratt teke over den fem-seks kilometer lange ferdavegen mellom Krossen og Øvre-Helland.

Nytt liv til gamal veg

Slik var det til for eit par år sidan. Då tok Harald Nygard kontakt med kommunen, og meinte at den gamle ferdavegen måtte takast vare på som eit kulturminne.

Sidan har mange hjelpt til med å rydda vegen. Fjerna busker og kratt, ordna gamle tropper i dei brattaste kleivene, og bygd opp att bruer som åra og elva hadde rive bort.

Gamle kvileplassar

Den gamle kløvstien vert her og der broten av den moderne bilvegen, men stien er godt merka, så det er lett å følgja han. Det er og sett opp skilt med namn til dømes på dei gamle kvile-plassane.

Krossen – einbølt fjellbygd inne i Stølsheimen. Foto: Oddbjørn Rosnes/NRK.

Startar du turen nede i dalen, må du streva deg opp nokre bratte kleiver. Så kanskje er det like greitt å byrja turen oppe mellom husa i Krossen, og ta turen nedover. Slik som me gjorde ein skikkeleg regnversdag, saman med 74 år gamle Harald Nygard.