Strid om hus og eigedom i Jerusalem
For andre kvelden på rad har det vore samanstøytar i Jerusalem mellom israelske busetjarar og palestinarar som fryktar at dei skal miste heimane sine i Sheikh Jarrah-nabolaget. Dei to gruppene kasta stein og stolar på kvarandre før politiet greip inn og arresterte sju personar.
Israelsk høgsterett kjem måndag med ei avgjerd om ei gruppe israelarar har rett til å overta heimane til fire palestinarar.
Jente skaut tre på skule i USA
I USA skaut ein elev i 6. klasse på ein skule i Rigby i Idaho to medelevar og vaktmeisteren på skulen før ein lærer tok frå henne skytevåpenet som ho hadde i skulesekken.
Dei tre skadde er ikkje livstruande skadde, opplyser sheriffen i Jefferson County.
SKULESKYTING: Ungdomsskulen i Rigby vart sperra av etter skytinga.
Foto: Natalie Behring / AP / nTBKvar 4. svenske har antistoff
Analysar av blod frå folk i Stockholm og Västra Götaland viser at kvar fjerde har utvikla antistoff mot koronaviruset på naturleg vis, skriv SVT. Desse har altså vore smitta det siste året. Andelen er dobla frå i haust.
Antistoff beskyttar mot ny infeksjon i rundt 90 prosent av tilfella, og i opptil eit år. For Sverige som heilskap har 22 prosent av befolkninga no antistoff mot koronaviruset.
