Dette skjedde natt til 27. juli

24.000 lynnedslag i Sør-Noreg

Uvêret over Sør-Noreg i natt har ført med seg over 24.000 lynnedslag, ifølgje Meteorologisk institutt. Verst har det gått utover Rogaland, Agder og Austlandet.

Rundt 4000 husstandar i Agder var utan straum måndag kveld. Feilretting har gått føre seg i heile natt, og talet på straumlause er no rundt 170, opplyser Agder Energi.

• Uvær i Sør-Norge – over 20.000 lynnedslag

Brann på Norcem-fabrikk kom av regn

I natt kjempa brannmannskap for å slå ned ein brann i kollageret på Norcems sementfabrikk i Brevik i Telemark.

Brannen som starta ved 22-tida, kom av at regnvatn kom inn i styresystemet slik at det gjekk i stå. Dermed sjølvtente finkullet i anlegget.

Ved 01-tida i natt tvitra selskapet at brannen var under kontroll, men at mykje arbeid stod att før dei hadde oversikt over skadane. Først på morgonkvisten rapporterte dei at brannen var slukka.

• Brann hos Norcem i Brevik – systemet slått ut av regnvann

330 nye smitta – trenden stig

Det siste døgnet er det registrert 330 nye koronatilfelle i Noreg. Det er 135 fleire enn førre måndag, og det høgaste smittetalet på nesten to månader.

• 330 nye koronasmitta – trenden stig