Dette skjedde natt til 24. januar

13 drepne i uro i Venezuela
Menneskerettsgrupper melder om 13 drepne på to dagar etter uroa i Venezuela. Samtidig tikkar det inn meldingar om plyndring langs grensa mot Brasil. USA har avvist Venezuelas president Nicolas Maduros ordre om å utvise amerikanske diplomatar.

• Les meir: Nasjonalforsamlingens leder utpeker seg selv som midlertidig president

Mann knivstukken i halsen i Oslo
Politiet leitar etter gjerningspersonen etter at ein mann vart knivstukken på Grønland i Oslo seint onsdag kveld. Han er skada i halsen, og var framleis på operasjonsbordet på sjukehuset like før midnatt. Politiet ønskjer kontakt med vitne i saka.

• Les meir: Mann knivstukket i halsen i Oslo

Kristen politikar fri i Indonesia
Den kristne politikaren Basuki Tjahaja Purnama, som var skulda for blasfemi, er no lauslaten etter nesten to år i fengsel i Indonesia. I 2016 kom den tidlegare guvernøren i Jakarta med ytringar i ein kampanje som fekk tusenvis av muslimar til å protestere.