Vil granske senatorar etter storming av Kongressen
Sju demokratar i Senatet krev ei etisk gransking av kva rolle dei to republikanske senatorane Ted Cruz og Josh Hawley hadde under storminga av nasjonalforsamlinga 6. januar då Joe Biden skulle godkjennast som ny president. Båe Cruz og Hawley har utmerka seg som sterke motstandarar av å godkjenne valet.
Cruz og Hawley er ifølgje CNN skulda for å ha lagt til rette for Trump-tilhengjarar som angreip.
Så langt er 125 arresterte i samband med opprøret. Politiet i hovudstaden Washington seier faren for nye angrep ikkje er over.
Politimeisteren i Troms stansar samanslåing
Politimeisteren i Troms ønskte å redusere talet på geografiske driftseiningar frå fem til to. No snur ho og stansar omorganiseringa.
Det kom fram i ei pressemelding ho sende ut seint torsdag kveld.
General blir Bidens forsvarsminister
Begge kammer i Kongressen i USA seier ja til at den pensjonerte generalen Lloyd Austin kan bli Joe Bidens forsvarsminister.
Reglane krev at det må gå sju år mellom aktiv teneste i det militære og ei politisk stilling. I Representanthuset stemte 326 for å gjere et unntak, og 78 imot. I Senatet stemte 69 for og 27 imot. Dersom Austin blir godkjend etter utspørringa i Senatet, blir han den første svarte i embetet.
Pensjonert general Lloyd Austin kan bli forsvarsminister i Joe Bidens regjering. Han er i så fall den første svarte i stillinga.
Foto: POOL / Reuters / NTB
