Amerikansk etterretning åtvara Kongressen om nye russiske forsøk å påverke valet
Amerikansk e-teneste har åtvara politikarane i Kongressen om det dei meiner er nye russiske forsøk på å blande seg inn i valkampen og få president Donald Trump attvalt.
Trump er opprørt og avviser skuldingane.
På eit valmøte i natt i Colorado Springs valde Trump å gjere narr av Michael Bloomberg, og kalte han igjen «Mini-Mike». Han fokuserte på splittinga blant dei demokratiske kandidatane og latterliggjorde valdebatten deira.
-
Donald Trump gjorde narr av demokratane på eit valmøte i Colorado Springs i natt.
Foto: David Zalubowski / AP/NTB Scanpix
40 evakuert frå E69, Nordkapp isolert
40 menneske, blant dei 17 turistar i ein utanlandsk buss, er evakuerte frå E69 i Nordkapp, melder Statens vegvesen.
Nesten alle vegar i Nordkapp er stengde på grunn av uvêr, ras eller fare for ras. Det er usikkert når E69 kan bli opna igjen.
Også andre stader i Finnmark er ei rekke fjellovergangar stengte.
ISOLERT: E69 er stengt ved Kamøyvær på grunn av dårleg vêr og rasfare.
Foto: Statens VegvesenÉin person omkom i brann i Kristiansund
Fleire bebuarar vart evakuerte etter at det starta å brenne i eit leilegheitshus i Kristiansund torsdag kveld. Ved eittida i natt stadfesta politiet i Møre og Romsdal at ein bebuar var død.
Det bur 10 personar i den delen av bygget som brann. Åstadundersøking og vidare etterforsking held fram fredag morgon.
