Dette skjedde natt til 20. oktober

Nord-Koreas missiltest opp i FN

Nord-Korea stadfestar at landet gjennomførte ei prøveskyting av det som blir omtalt som ein ny type ballistisk missil frå ein ubåt tysdag. Nyheita gjer at det blir halde eit krisemøte i FNs tryggingsråd onsdag, ifølgje AFP.

Ifølgje diplomatiske kjelder var det USA og Storbritannia som kalla inn til møtet i Tryggingsrådet. Det er venta at det blir eit lukka møte.

• Krisemøte i FN etter at Nord-Korea testa nytt ubåt-våpen

Komité vil straffe Steve Bannon

Komiteen som granskar kongresstorminga i USA i januar har vedteke at Steve Bannon bør tiltalast for å ha vist forakt for Kongressen ved å nekte å vitne og utlevere dokument. Bannon vart instruert av sin tidlegare sjef, Donald Trump, om ikkje å vitne for komiteen.

Kongresskomiteen som består av både republikanarar og demokratar, var samrøystes i vedtaket om at Bannon bør tiltalast.

• Kongresskomité vil straffe Trumps sjefstrateg

OL-elden kom til Beijing

Den olympiske elden har kom tidleg onsdag morgon fram til Beijing. Elden vart motteken av visepresident Yu Zaiqing i den kinesiske OL-komiteen som viste fram lykta med OL-flammen som vart frakta med fly frå Hellas.

Onsdag blir det ein ny seremoni i det olympiske tårnet i Beijing, melder det kinesiske nyheitsbyrået Xinhua. Vinter-OL skal arrangerast i Beijing frå 4. til 20. februar 2022.