Debatt med meir politikk enn før
Den tredje debatten mellom dei to presidentkandidatane i USA, Donald Trump og Hillary Clinton, hadde lavare temperatur enn dei to tidlegare og var prega av meir diskusjon om politiske tema. Det skriv amerikanske medier i sin fyrste reaksjon etter debatten i Las Vegas. Donald Trump nekta blant anna å love å godta valresultatet dersom han tapar valet.
Privat sjukeheim-mekling på overtid
NHO Service skriv at partane er einige om å fortsetja meklinga på overtid. Det er Den norske sjukepleiarforbundet, Fagforbundet og NHO Service som meklar. Dersom dei ikkje blir einige kan 166 tilsette ved private sjukeheimar bli tatt ut i streik. Meklingsfristen gjekk ut ved midnatt.
Trykk her for å følga siste nytt i saka
Politimann og mistenkt nedkøyrd i Trondheim
Ein politimann er skada etter at han blei påkøyrd av ei drosje i Trondheim i natt. Ulukka skjedde då han skulle arrestera ein narkotikamistenkt mann som prøvde å rømma. Også den mistenkte blei skada. Ingen av dei har livstruande skadar. Dei blei køyrd til St. Olavs hospital i Trondheim.
