CNN: Trump benådar Bannon
Ifølgje TV-kanalen CNN vil president Donald Trump benåde sin tidlegare sjefstrateg Steve Bannon. Dette er ikkje stadfesta frå Det kvite huset.
Bannon er sikta for å ha svindla til seg millionar frå givarar i pengeinnsamlinga «We build the Wall».
Lista over benådingane er venta å vere det siste Trump gjer før han forlèt Det kvite huset klokka 8 onsdag morgon lokal tid.
Biden og Harris mintest 400.000 korona-døde
Tysdag kveld mintest påtroppande president Joe Biden og visepresident Kamala Harris dei over 400.000 amerikanarane som har døydd av covid-19 i USA.
Etter minnemarkeringa på National Mall drog Biden-paret for å overnatte i Blair House, gjestebustaden til Det kvite huset, slik tradisjonen tilseier, før innsettinga onsdag.
422 nye koronatilfelle i Noreg
Det siste døgnet er det registrert 422 nye koronatilfelle i Noreg. Det er 39 fleire enn måndag, men 290 færre enn same dag førre veke. Dei siste sju dagane er det registrert 2841 nye smittetilfelle. Trenden er nedgåande.
132 koronapasientar var tysdag innlagde på sjukehus. Det er 21 færre enn dagen før. Til saman er 525 koronasmitta døde sidan mars. I alt er det registrert 59.456 koronatilfelle her i landet.