12 toppklubbar startar ny superliga
Tolv av dei største fotballklubbane i Europa trassar den europeiske fotballorganisasjonen Uefa og dannar ein ny utbrytarliga som dei kallar Superligaen. Uefa truar med å stengje ute klubbane frå internasjonale turneringar og nasjonale ligaer.
Blant klubbane er seks britiske, tre italienske og tre spanske fotballklubbar. Tyske og franske storklubbar har takka nei til å delta i den nye superligaen.
366 nye koronatilfelle i Noreg
Det siste døgnet er det registrert 366 nye koronatilfelle her i landet. Det er 189 færre enn snittet dei siste sju dagane.
Dei siste sju dagane er det registrert til saman 3889 nye smittetilfelle i Noreg, og trenden er søkkande.
I Oslo vart det registrert 88 nye tilfelle søndag.
Samanstøytar i Jerusalem
Israelsk politi tok i bruk sjokkgranatar og vasskanonar for å spreie palestinarar som samla seg i gamlebyen i Jerusalem til ramadan, ifølgje israelske medium. Slike samanstøytar har funnet stad kvar kveld sidan ramadan starta i førre veke.
Palestinarar seier at dei i fleire år har pleid å kome saman på trappene ved Damaskusporten kvar kveld etter fasta, men i år sette israelsk politi opp sperringar for å halde dei borte.