Ein omkom i helikopterstyrt
Eit helikopter med éin person om bord styrta seint torsdag kveld på Lannerheia mellom Porsgrunn og Larvik etter å ha treft ein høgspentleidning.
Det var kraftig regnvêr då helikopteret styrta. Politiet stadfesta ved halv eittida i natt at piloten var omkommen.
Opna Pride-fest i styrtregn
Statsminister Erna Solberg og Oslo-ordførar Marianne Borgen opna ved midnatt årets Pride-festival. Opninga vart markert ved at Holmenkollbakken vart lyst opp i regnbogens fargar. Årets festival varer fram til 27. juni med både fysiske og digitale arrangement. Høgdepunktet er Pride-paraden i Oslo laurdag 26. juni.
Holmenkollen skal lyse i fargane til regnbogen gjennom heile Pride-veka.
Foto: Berit Roald / NTB19. juni ny høgtidsdag i USA
USA fekk i natt ein ny nasjonal høgtidsdag, 19. juni, til minne omslutten på slaveriet. Etter at både Senatet og Representanthuset sa ja, sette president Joe Biden namnet sitt på lova i natt.
Dette vert sett på som ei viktig markering etter eit år med omfattande protestar mot politivald og rasisme i USA.
Omringet av kongresspolitikarar sette Biden sin signatur på lova i natt. Visepresident Kamala Harris minte om at også Det kvite hus vart bygget av slavar.
Foto: Evan Vucci / AP / NTB
