To omkomne i helikopterulukke
Dei to personane i 40-åra som var om bord i helikopteret som er funne i Røldalsfjellet, er funne omkomne, opplyser Vest politidistrikt til NRK. Helikopteret blei meld sakna søndag kveld. Eit redningshelikopter og bakkemannskap leita fram til dei blei funne klokka 4.20.
- Les meir:
Tyskland: – Vanskeleg å hente heim IS-krigarar
Tysklands utanriksminister Heiko Maas seier det blir ekstremt vanskeleg å hente heim IS-krigarar som er fanga i Syria, slik USA vil. Grundig etterforsking krevst for å kunne stille fangane snarast råd for retten, noko som er vanskeleg å få til, seier han.
Australia hacka før valet
Statsminister Scott Morrison seier måndag at ein «sofistikert, statleg aktør» har hacka landets største politiske parti og parlament, kort tid før valet. Det skal gjelde partia Liberal, Labor og Nationals. Ingen land blir nemnd, men media nemner ofte Kina.