USA stengjer grensa for Huawei-tilsette
USA innfører innreiserestriksjonar for tilsette i den kinesiske telegiganten Huawei og andre som dei meiner støtter brot på menneskerettane. Det opplyste utanriksminister Mike Pompeo i natt. Kina vert skulda for å undertrykkje uigurar og andre muslimske folkegrupper i Xinjiang-provinsen.
New York Times skriv at Trump-regjeringa òg vurderer å innføre visumnekt for medlemmer av det kinesiske kommunistpartiet.
Millionærar og politikarar hacka på Twitter
Twitter-kontoane til ei rekkje mega-kjendisar som Barack Obama, Bill Gates, Elon Musk, Joe Biden, Jeff Bezos og Kanye West er misbrukt i ein storstilt bitcoin-svindel.
Twitter mistenker at hackinga i natt var «eit koordinert angrep». – Vi har avdekka det vi meiner er eit manipulerande angrep mot nokre av våre tilsette med tilgang til interne system, skriv selskapet.
Sosialdemokratane vann i Nord-Makedonia
Tidlegare statsminister Zoran Zaev og det sosialdemokratiske partiet SDSM har vunne valet på ny nasjonalforsamling i Nord-Makedonia.
Ifølgje valkommisjonen ligg SDSM an til å få 36 prosent, medan høgrepartiet VMRO-DPMNE får 34 prosent.
– Veljarane stemte for eining og solidaritet, for økonomisk patriotisme, for lov og orden og for ein betre notid og framtid, sa han då sigeren var klar.
Tidlegare statsminister Zoran Zaev frå det sosialdemokratiske partiet SDSM erklærer siger i valet til nasjonalforsamling i Nord-Makedonia.
Foto: ROBERT ATANASOVSKI / AFP / NTB Scanpix
