Politi skaut 13-åring i Chicago
13 år gamle Adam Toledo vart skoten av politiet i Chicago i USA i slutten av mars. Ein fersk video frå politiet viser at guten hadde hendene i vêret då han vart skoten, skriv Chicago Tribune. Politiet har opplyst at dei fann eit skytevåpen på staden som guten kan ha kasta frå seg før han vart skoten.
Styresmaktene i Chicago har frigjort video frå kroppskameraet til politibetjenten som viser at 13-åringen blir skoten.
617 nye koronatilfelle siste døgn
Siste døgn er det registrert 617 nye koronatilfelle i Noreg. Det er 18 fleire enn dagen før, men 261 færre enn same dag førre veke.
Torsdag var 245 koronapasientar innlagde på sjukehus, 16 færre enn dagen før.
I Oslo var smittetalet 191 siste døgnet.
Blinken på besøk i Afghanistan
USAs utanriksminister Antony Blinken var torsdag på eit uannonsert besøk i Kabul der han mellom andre møtte president Ashraf Ghani for å forsikre ham om at USA vil halde fram å støtte landet. USA og Nato annonserte denne veka at dei trekkjer ut dei siste 9500 soldatane innan september.
Utanriksminister Antony Blinken og president Ashraf Ghani i Kabul torsdag.
Foto: AFP / NTB
