Dette skjedde natt til 13. april

Mann skoten og drepen på Røa

Ein mann i 30-åra er sikta for drap etter at ein mann vart skoten og drepen i ei leilegheit på Røa i Oslo måndag kveld. Den sikta er etnisk norsk og norsk statsborgar.

Politiet er svært tilbakehaldne med opplysningar, og ønskjer ikkje å gi detaljar om avdøde eller relasjonen mellom han og den sikta.

• Mann drept i skyting i Oslo

Heftige protestar i Minneapolis

Det har i natt vore samanstøytar mellom demonstrantar og politi i Minneapolis i USA, etter at ei kvit politikvinne søndag skaut og drap ein svart 20-åring, truleg ved eit mistak.

Politiet har i natt bruka tåregass mot demonstrantar som har brote portforbodet i byen i natt.

• Tåregass mot demonstranter i Minneapolis

Will Smith avlyser filming i Georgia

Hollywood-skodespelaren Will Smith flytter planlagde filmopptak frå Georgia i protest mot den nye vallova som han meiner gjer det vanskelegare å stemme i delstaten.

I Georgia får filmselskap store skattefordelar, men innstramming i vallova gjer at Will Smith og regissør Antoine Fuqua flyttar produksjonen av filmen «Emancipation» som handlar om eit slaveopprør, til ein annan delstat. Filminga skulle starta i juni.

• Will Smith avlyser filming i Georgia i protest