Spanjolar dansa på gater og strender i glede over koronalettar
I Spania blir det jubla for at den seks månader lange nedstenginga er over, og at det nettlege portforbodet er oppheva. I fleire byar samla folk seg til spontane gatefestar og på strendene. Fleire stader måtte politiet jage folk heim.
Navalnyjs lege meldt sakna
Ein russisk lege som behandla Putin-kritikaren Aleksej Navalnyj rett etter at han vart forgifta, er meldt sakna etter ein jakttur i Sibir. Alexandr Murakhovskij kom ikkje tilbake som planlagt fredag, opplyser ein politikjelde til nyheitsbyrået Tass.
Navalnyj, som no sit fengsla i Russland, vart forgifta på ein flytur i august. Flyet landa i Omsk, der Murakhovskij behandla han. To andre legar på sjukehuset i Omsk, har sidan døydd uventa, melder BBC.
Sju skadde i Jerusalem-opptøyar
Israelsk politi brukt vasskanonar med illeluktande vatn og sjokkgranatar for å spreie demonstrantar fleire stader i Aust-Jerusalem natt til måndag. I Sheik Jarrad-området var det på ny direkte samanstøytar mellom politi og palestinske ungdommar.
Ifølgje palestinsk Raude Halvmåne vart sju menneske skadde ved Damaskus-porten og i Sheik Jarrad-bydelen. Fire av dei måtte leggast inn på sjukehus.
Det som skjer i Jerusalem uroar FN-sjef António Guterres djupt. Han ber Israel få ned spenningsnivået. – Israelske styresmakter må vise maksimalt atterhald og respektere retten til å halde fredelege forsamlingar, sa Guterres i natt.
Statsminister Benjamin Netanyahu seier at det er viktig å sikre lov og orden.