Det kvite hus varslar styrking av ukrainsk luftvern

USA sin president Joe Biden vil kunngjere det som blir omtala som «vesentleg» styrking av Ukraina sitt luftvern, melder AFP.

Den nye militærstøtta vil innehalde både luftvernsystem og andre våpen for å hjelpe Ukraina inn mot ein tøff vinter, seier tryggleiksrådgjevar Jake Sullivan i Det kvite hus.

Ukraina sin president Volodymyr Zelenskyj har torsdag hatt fleire møte med sentrale representantar i Kongressen. Han har òg besøkt Pentagon der han møtte forsvarsminister Lloyd Austin.

Zelenskyj og Biden skal òg ha møte i løpet av torsdagen.