Canada ber India samarbeide om etterforsking

Den kanadiske statsministeren Justin Trudeau ber India om å samarbeide etter drapet på separatistleiaren Hardeep Singh Niijar.

– Det er ei alvorleg sak som nettopp må takast på alvor. Det er det vi gjer, seier Trudeau.

Tysdag blei det kjend at Canada utviser ein indisk diplomat etter påstandar om at indisk etterretning kan stå bak drapet på Niijar i juni. Statsministeren ville torsdag ikkje kommentere kva bevis dei har som peikar mot India, ifylgje Reuters.

Forholdet mellom dei to landa har kjølna som fylgje av skuldingane. Torsdag kunngjorde indiske styresmakter at dei stoppar handsaminga av nye visumsøknader frå kanadiske statsborgarar. India bad samstundes Canada om å redusere talet på diplomatar i landet.