Biden vil ha palestinsk stat

President Joe Biden nemnde Palestina særskilt i sin tale i FNs hovudforsamling då han gjekk inn for ein palestinsk stat.

– Vi er fullt forplikta til å forsvara Israels tryggleik. Men eg meiner stadig at ein tostatsløysing er den beste måten å sikra Israels framtid som ein jødisk og demokratisk stat på, som lever i fred ved sidan av ein levedyktig, suveren og demokratisk palestinsk stat, sa han.

– Vi er langt frå dette målet for tida, men vi må aldri gi slepp på moglegheita for framgang, sa han.