Biden vil ha auka fokus på menneskesmugling

USAs president Joe Biden seier det må bli meir fokus på kriminell smugling av menneske etter massedødsfallet i Texas. Minst 50 personar er funne døde i lasterommet på eit vogntog i San Antonio.

– Dei første rapportane tyder på at denne tragedien var forårsaka av smuglarar eller menneskesmuglarar som ikkje tar omsyn til liva dei set i fare for og utnyttar for å tene pengar.

San Antonio ligg 250 kilometer frå grensa til Mexico og er ein sentral transittveg for menneskesmuglarar.