Biden har tillit til forsvarssjefen
President Joe Biden seier han har full tillit til USAs forsvarssjef Mark Milley etter at Milley ifølge ei ny bok hadde hemmeleg kontakt med Kina. I Bob Woodward og Robert Costas bok «Peril» kjem det fram at generalen var uroa for kva Donald Trump kunne finne på i raseri over å ha tapt valet. Han tok difor kontakt med den kinesiske forsvarsministeren for å forsikre om at USA ikkje ville gå til krig.
Milley skal også ha kalla inn til eit hemmeleg møte i Pentagon der han gav ordre om at ingen skulle ta ordrar frå Trump utan at han var involvert.