Ber tidlegare presidentar og visepresidentar sjå etter klassifiserte dokument

Det amerikanske riksarkivet ber tidlegare presidentar og visepresidentar om å dobbeltsjekke om dei kan ha klassifiserte dokument liggande. Dette skriv CNN. Førespurnaden kjem i lys av dokumenta som i løpet av det siste året har blitt oppdaga hos både tidlegare president Donald Trump, tidlegare visepresident Mike Pence og noverande president Joe Biden.

Torsdag sende riksarkivet brev til representantane for dei seks siste presidentane og visepresidentane. Desse inkluderer Donald Trump, Barack Obama, George W. Bush, Bill Clinton, George H.W. Bush og Ronald Reagan.