Barnesoldatar sto bak massakre
Massakren der 130 menneske blei drepne i Burkina Faso i juni, blei for det meste gjennomført av barnesoldatar i alderen 12 til 14 år, ifølge FN.
Massakren blei gjennomført på kvelden 4. juni då ei væpna gruppe storma byen Solhan i den urolege nordaustlege delen av landet. Dei opna eld mot innbyggjarane og brente ned bustadhus.
Lokale myndigheiter seier at ekstremistiske islamistgrupper har brukt barnesoldatar gjennom det siste året, men at angrepet 4. juni skil seg ut.