Avgjerd om ny koronavaksine nærmar seg
Koronavaksinen til Novavax kan bli den femte som blir godkjend i Noreg og EU. Det europeiske legemiddelverket (EMA) nærmar seg ei avgjerd.
– Vi kan kanskje avslutte vurderinga før nyttår. Blir han godkjend, vil denne vaksinen gi ei ytterlegare moglegheit til å vaksinere folk i EU og internasjonalt, sa vaksinesjef Marco Cavaleri på pressekonferansen på torsdag.
Novavax' koronavaksine Nuvaxovid er godkjend i Indonesia og Filippinane. Vaksinen blir gitt i to dosar, med eit mellomrom på minst 21 dagar.
(NTB)