Austerrike vil truleg vedta vaksineplikt

Overhuset i den austerrikske nasjonalforsamlinga skal i ettermiddag stemme over eit forslag som forpliktar alle over 18 år til å ta vaksine mot covid-19, meldar NTB.

Forslaget vil truleg bli vedteke i overhuset Bundesrat som representerer Austerrike sine provinsar.

Lova er rekna som den mest vidtgåande i EU. I Hellas og Italia er vaksinering obligatorisk for eldre, men ikkje befolkninga elles.

Nokon få grupper, som gravide kvinner og dei som nyleg har hatt covid, vil få unntak.