Aukar trugselnivået for terror på Nord-Irland

Den britiske sikkerheitstenesta MI5 har auka trugselnivået på Nord-Irland for nordirsk terrorisme frå «betydeleg» til «alvorleg». Det betyr at eit angrep er vurdert som «høgt sannsynleg».

Hevinga av trugselnivået skjer eit år etter at det blei senka frå «alvorleg» til «betydeleg». Den 10. april er det 25 år sidan Langfredagsavtalen, også kjend som Belfastavtalen, om fredsprosessen i Nord-Irland blei signert av den britiske og irske regjeringa.