Armenias statsminister kritisk til russiske styrkar
Statsminister Nikol Pasjinjan i Armenia spør kvifor russiske fredsbevarande styrkar ikkje klarte å hindre Aserbajdsjans offensiv mot Nagorno-Karabakh.
– Vi åtvara om dette. Kvifor oppfylte dei ikkje dei fredsbevarande funksjonane sine, sa Pasjinjan i ein TV-tale torsdag.
Han peika på at russarane etter kvart klarte å forhandle fram ein våpenkvileavtale.
– Kvifor klarte dei ikkje å forhandle fram ein avtale for å hindre angrepet på Nagorno-Karabakh?
Aserbajdsjans offensiv byrja tysdag. Eit døgn seinare hadde aserbajdsjanske styrkar teke kontroll over heile den omstridde regionen Nagorno-Karabakh. Dei etnisk armenske separatistane som hadde styrt deler av regionen sidan 1990-talet, valde å overgi seg.
Offensiven vart igangsett trass i russiske fredsbevarande styrkar som var stasjonerte i Nagorno-Karabakh. (NTB)
