Armenia førebur seg på flyktningstraum

Armenia sin statsminister Nikol Pasjinjan seier torsdag at han ikkje ser ei umiddelbar fare for sivilbefolkninga i Nagorno-Karabakh. Dersom det er behov er hovudstaden Jerevan likevel budd på å ta i mot 40.000 familiar, melder AFP.

Armenia og Aserbajdsjan har utkjempa to krigar som fylgje av strid om regionen Nagorno-Karabakh. Den aserbajdsjanske enklaven har ei befolkning på kring 120.000, som i hovudsak er armenarar.

Etter inngåing av våpenkvile i 2020 har det i september vore nye samanstøyt mellom dei to landa.