Agder politidistrikt vil forsøke å legge til rette for pride-arrangement

Dersom tryggleiken blir varetatt i samarbeid med arrangørar, vil Agder politidistrikt forsøke å legge til rette for at arrangement som er planlagde på førhand blir gjennomførte. Det skriv dei i ei pressemelding.

– Politiet i Agder skal strekke seg langt for at godt planlagde arrangement kan bli gjennomførte. Men det må ligge ei grundig risikovurdering til grunn i kvar enkelt arrangement for at politiet skal tilrå at arrangementa gjennomførast, seier politimeister i Agder politidistrikt, Kjerstin Askholt.

Arrangement som er nært føreståande og som politiet ikkje har vore med på når gjeld planlegging og risikovurdering bør bli utsette, ifølge Askholt.