800.000 på flukt frå flaum i India
Over 800.000 personar, blant dei 375.000 barn, er fordrivne som følge av flaum i delstaten Bihar i India.
– Flaumane har ført til enorme øydeleggingar. Heim har blitt øydelagt, toalett har blitt vaska vekk, familiar har mista livsgrunnlaget sitt og kveg har gått tapt, seier Redd Barnas India-sjef Sudashan Suchi.
Tusenvis av familiar leitar etter husly i skular, på elvebredder og under presenningar, ifølge hjelpeorganisasjonen.