Familien til ein 16 år gammal gut, som i fjor drukna i Lundevatnet i Lund, ankar politiet sitt vedtak om å leggje vekk straffesaka, inn for riksadvokaten. 16-åringen var kraftig rusa, då han blei sett av frå ein personbil, på natta i fjor sommar.
Politiet ville henlegga saka etter at ein 16 år gamal gut drukna i Lundevatnet i august i fjor, men statsadvokat Asbjørn Eritsland har sendt saka i retur og vil at politiet skal halde fram etterforskinga. 16-åringen hadde vore på fest saman med nokre vener og den 22 år gamle sjåføren vart meld til politiet for å ha etterlate han i hjelpelaus tilstand.
16-åringen som vart funne død i sjøen like ved E39 på fylkesgrensa mellom Rogaland og Vest-Agder døydde av drukning. Det viser obduksjonsrapporten, skriv avisa Agder. Ifølgje politiet er det ikkje mistanke om at guten skal vere utsett for noko kriminelt.
Politiet i Lund har førebels ikkje funne svaret på kva som skjedde med 16-åringen, som i går vart funnen omkomen i Lundevatnet. 16-åringen blei sist sett i live ved totida natt til søndag, då han blei sluppen av på ein rasteplass ved E39 på fylkesgrensen mellom Rogaland og Vest-Agder. Han vart funnen omkomen i vatnet like ved, på føremiddagen i går. Fleire har blitt avhøyrde, men ingen har status som sikta, fortel lensmann i Lund, Stig Arild Bringedal.
