12 prosent inflasjon i Sverige i februar

Dei svenske prisane steig med 12 prosent i februar, opp frå 11,7 prosent månaden før, opplyser Statistiska centralbyrån (SCB). Analytikarane hadde venta at konsumprisindeksen skulle bli ståande på 11,7 prosent også i februar, skriv Bloomberg. Matvareprisane steig med 2,8 prosent frå januar til februar. Det siste året har mat blitt dryge 22 prosent dyrare i Sverige.