Sør-Afrika nektar for å ha forsynt Russland med våpen
Ministeren som leiar Sør-Afrika sin komite for våpenkontroll, Mondli Gungubele, nektar i eit radiointervju for å ha forsynt Russland med våpen, melder Reuters.
– Dersom det har kome våpen om bord eit skip til Russland er det ulovleg og upassande, seier Gungubele til radiostasjonen 702.
USA sin ambassadør til Sør-Afrika, Reuben Brigety, kom i går med skuldingar om at landet har forsynt Russland med både våpen og ammunisjon.
