Den israelske hæren beklagar journalistdrap på Vestbreidda
Det israelske forsvaret har for første gong sagt unnskyld etter at journalisten Shireen Abu Akleh vart drepen på den okkuperte Vestbreidda for eit år sidan.
– Eg trur dette er eit høve for meg til å seie at vi er svært lei oss for Shireen Abu Akleh sin død, seier talsperson for forsvaret, kontreadmiral Daniel Hagari, i eit intervju med CNN.
Orsakinga kom på årsdagen for Abu Aklehs død. Den amerikansk-palestinske vart skoten i hovudet medan ho dekte ein militæroperasjon i Jenin 11. mai i fjor. Militæret har tidlegare innrømt at det er svært truleg at ho vart skoten av ein israelsk soldat.
Abu Akleh sin arbeidsgjevar, Al Jazeera, har skulda Israel for å skyte direkte mot henne og andre journalistar. Dei krev at dei ansvarlege blir stilt til rette og har teke saka inn for Den internasjonale domstolen i Haag. (NTB)
