Sør-Afrika sin president vil ha landet ut av ICC
Sør-Afrika sin president Cyril Ramaphosa seier i dag at han ynskjer å trekke landet ut av Den internasjonale straffedomstolen (ICC) i Haag.
Meldinga kjem etter at domstolen sende ut arrestordre på den russiske presidenten Vladimir Putin.
Det er regjeringspartiet ANC (African National Congress) har vedteke standpunktet om å trekke landet frå forpliktingane i Roma-vedtektene som dannar grunnlaget for internasjonal straffeforfølging av krigslovbrot.
– Vi har bestemt at det er vist å trekke Sør-Afrika frå domstolen, sa Ramaphosa.
Den finske presidenten Sauli Niinistö er på besøk i landet, der Ramaphosa kom med utsegna på ein felles pressekonferanse.
I 2017 varsla Sør-Afrika FN om at landet ville ut av ICC, men høgsterett sa då at avgjerda var grunnlovsstridig.