Vatikanet: Paven har «kvilt godt»
86 år gamle pave Frans vart onsdag kveld sjukehusinnlagt med luftvegsinfeksjon. Dagen etter melder ei kjelde frå Vatikanet at paven har fått ei god natts søvn.
Etter fleire dagar med pustevanskar, vart pave Frans innlagt på sjukehus. Planane hans torsdag vart avlyste, og han blir liggjande på sjukehus i nokre dagar, ifølgje Vatikanet.
Sjukepleiarane ved Gemelli sjukehus i Roma er svært optimistiske og meiner paven kan skrivast ut allereie søndag, melder det italienske nyheitsbyrået Ansa.
Innlegginga skjer samtidig som overhovudet i Den katolske kyrkja førebur seg til heilagdagar i påska. Fyrste påskedag er den heilagste dagen i kristendommen og markerer Kristi oppstode.
